Doarjja oahpuide
Veahkkebádji fállá doarjaga studeanttaide, geain leat báhcán bargobihttát barggakeahttá dahje geat dárbbašit bargobihtáid bargamii veahki. Veahkkebádji čoahkkana vuossáriđidiid dmu 9–11. Persovnnalaš áiggiid veahkkebádjái sáhtát soahpat veahkkebáji bagadalliiguin.
Veahkkebáji oahpaheaddjit
PMGP/HOKS dahkama várás buot studeanttain lea vejolašvuohta oassálastit vejolaš lohkan- ja/dahje čállinváttisvuođaid kártemii. Kárten doallá sierraoahpaheaddji oahpuid álggus. Matematihkateasta doallá matematihka oahpaheaddji dahje sierraoahpaheaddji.
Ámmátlaš sierraoahpahus lea oaivvilduvvon studeanttaide, geat dárbbašit spesiála oahpahan- dahje oahppifuolahusbálvalusaid oahppanváttisvuođaid, buohcuvuođa dahje eará siva dihtii. Ulbmilin lea, ahte sierraoahpahusa vehkiin studeanta oažžu oahpahusa, mii bálvala su dárbbuid, ja mainna oahppan ja iežas ovddideapmi lihkostuvvet buoremusat.
Buot studeanttat ožžot dárbbu mielde doarjaga oahpuidasaset. Studeanttaide lágiduvvojit lohkan- ja matematihkateasttat oahpuid álggus. Studentii, gii dárbbaša spesiála doarjaga, čállo PMGP/HOKSii sierraoahpahusa dárbu ja dan ollašuhttinvuogit. PMGP/HOKS gárvvistuvvo ovttas studeanttain ja su fuolaheaddjiiguin (jos studeanta lea vuollel 18 jagi), ofelaš-bagadalliin, sierraoahpaheaddjiin ja vejolaččat oahppifuolahusa áššedovdiiguin ja eará áššedovdiiguin. Plána ulbmilin lea oahpuid persovnnalaš doarjja dárbbu mielde.